Tagalog
— Pinakita ng Akari na kaya nilang maging title contender nang talunin nila ang Cignal, 15-25, 25-17, 25-19, 25-22 kahapon sa PhilSports Arena.
Nagningning si American Oluoma Okaro na may 24 points at 22 spikes, habang si Ivy Lacsina at Ced Domingo ay nag-ambag ng 14 at 10 hits, na nagtulak sa kanilang record na 5-0.
Mula sa pagiging team na di lumagpas sa ikapitong pwesto sa unang limang conference, malaking parte ng transformation ng Akari ang paglipat ni Japanese coach Taka Minowa at ilang players kasama sina Ivy Lacsina at Kamille Cal mula sa sister team na Nxled.
At tuwang-tuwa si Minowa sa kanyang nakikita.
"Actually, magagaling ang mga players namin. Gusto kong mag-improve hindi lang sa conference na 'to kundi para sa future ng Akari," ani Minowa, asawa ni Jaja Santiago.
Masaklap ang pagkatalo para sa HD Spikers, na paborito pa naman sa laro matapos magbalik ng veteran-laden squad. Pero sa halip, bumagsak ang Cignal sa 4-1.
READ: Creamline Patuloy ang Pag-angat Habang Nakakahanap ng Kumpiyansa si Staunton
