Tagalog
— Nakatingin ngayon ang buong NBA sa Boston Celtics at kay LeBron James. Nagsisimula na ang 79th season ng NBA ngayong Martes, at ready na ang defending champion Celtics para sa back-to-back titles, habang ang legendary player na si LeBron James ay sasabak kasama ang kanyang 20-year-old na anak na si Bronny James para sa Los Angeles Lakers.
Exciting ang simula ng season, lalo na’t itataas ng Celtics ang kanilang 18th championship banner laban sa New York Knicks sa Boston. Mula noong 1969, hindi pa ulit nakakapag-back-to-back ang Boston, pero ngayon, bitbit nina Jayson Tatum at Jaylen Brown ang pag-asa para sa muling tagumpay.
Sabi ni Tatum, “Hindi lang ito tungkol sa isang championship. Gusto mo maging bahagi ng mga greatest teams. Anong klaseng legacy ang iiwan mo?” Si Tatum, na tumulong sa US team para sa Olympic gold sa Paris, ramdam ang pagbabago sa kanilang mindset bilang mga kampeon. "Iba ang feeling bilang champion. Gusto mo ulit maabot ang tuktok ng bundok."
Bukod kina Tatum at Brown, dagdag power sina star guard Jrue Holiday at si Kristaps Porzingis kahit injured pa ito. Determinado si coach Joe Mazzulla: “Every year, championship ang target. Hindi porke’t nag-work before, magwo-work ulit. Iba ang challenge ngayon.”
Kasabay nito, isinusulat din ni LeBron James ang bagong chapter ng kanyang career. Sa edad na halos 40, kasama na niya ang anak niyang si Bronny sa Lakers lineup, ang kauna-unahang father-son duo sa NBA.
Samantala, sa WNBA, sumulat din ng kasaysayan ang New York Liberty matapos talunin ang Minnesota Lynx 67-62 sa overtime at masungkit ang unang WNBA title sa kanilang history.
