Alex Eala Umabante sa WTA Guangzhou Main Draw!

—Balik ang momentum ni Alex Eala matapos niyang makapasok sa main draw ng WTA Guangzhou Open.

Natalo ni Eala ang Russian na si Elena Pridankina, 6-2, 6-2, sa Nansha International Tennis Center sa Guangzhou, China nitong Lunes, kaya pasado na siya sa qualifiers at tuloy sa main draw.

“Excited to be back in the Main draw here in Guangzhou, Gagawin kong memorable every moment!” sabi ni Eala sa kanyang social media post.

Bago ito, dinomina ni Eala ang Chinese player na si Gao Xinyu, 6-2, 6-7 (3-7), 6-2, sa unang round ng qualifiers.

Sa laban nila ni Pridankina, nagkaroon pa ng dikdikang 2-2 na score sa unang set bago ipinakita ni Eala ang kanyang experience at kinuha ang susunod na apat na games para walisin ang kalaban.

Sa pangalawang set, halos ganito rin ang eksena, 2-2 muli bago nanalo si Eala ng apat na sunod-sunod na games.

Ngayon, sasabak si Eala sa tournament kung saan dalawang beses na siyang na-eliminate sa unang round ng main draw. Ngunit magiging mas mahirap ang laban niya, posibleng makaharap niya sina Yue Yuan ng China, Elina Avanesyan ng Armenia, at Marie Bouzkova ng Czech Republic.