EN
— Lumobo na sa 458 ang mga barangay na may active ASF cases sa buong bansa, ayon sa latest report ng Bureau of Animal Industry (BAI). Sa loob lang ng dalawang linggo, tumaas ito ng 207 mula sa dating 251 barangays noong August 8. Kasama sa mga apektado ang mga lugar sa Northern Luzon, na may bagong confirmed cases.
Pinakaapektado ang North Cotabato na may 87 cases, sinundan ng Occidental Mindoro na may 69 at Batangas na umakyat sa 66 mula sa dating 32. Sabi ng BAI, ang pagtaas ng kaso ay dulot ng mga pagbaha na naglabas ng mga naka-libing na infected pigs, pati na rin ang patuloy na pagtitinda ng mga traders ng mga may sakit na baboy.
“Malaki ang kita kapag nagbebenta ng (may sakit) na baboy kasi mababa ang bili tapos mataas ang benta,” ayon kay Agriculture Assistant Secretary Constante Palabrica.
Para maiwasan ang pagkalat, hinikayat ng DA ang mga hog raisers na ilibing nang malalim ang mga ASF-infected pigs at gumamit ng proteksyon sa libingan para iwas kontaminasyon. Magpapasimula ng vaccination sa Batangas sa August 30, na aabot sa 2,000 doses ng ASF vaccine.
Patuloy ang pag-set up ng mga checkpoint para pigilan ang transportasyon ng may sakit na baboy at mga may peke na dokumento. Safe pa ring kainin ang pork products, basta't inspected ng National Meat Inspection Service.
READ: ASF Outbreak Lumawak sa 6 Lugar sa Batangas; Higit 1,500 Baboy Kinatay