EN
Patuloy na nakataas ang Signal No. 2 sa ilang bahagi ng Hilagang Luzon ngayong umaga, Setyembre 3, dahil sa pag-usad ng Bagyong Enteng sa direksyong kanluran-hilagang-kanluran habang binabaybay ang West Philippine Sea.
Ayon sa ulat ng PAGASA alas-7 ng umaga, namataan ang sentro ni Enteng sa baybayin ng Laoag City, Ilocos Norte. Kumikilos ito sa bilis na 20 kilometro kada oras at may lakas ng hangin na umaabot sa 75 kph malapit sa gitna, na may bugso na aabot hanggang 115 kph.
Mga Lugar na Nasa Ilalim ng Signal No. 2:
- Ilocos Norte
- Ilocos Sur (ilang bahagi: Sinait, Cabugao, San Juan, Magsingal, Santo Domingo, San Ildefonso, San Vicente, Vigan City, Bantay, Santa, Caoayan)
- Apayao
- Abra
- Kalinga (ilang bahagi: Balbalan, Pinukpuk, Lubuagan, Pasil)
- Cagayan (ilang bahagi: Piat, Santo Niño, Camalaniugan, Tuao, Pamplona, Rizal, Claveria, Lasam, Aparri, Ballesteros, Abulug, Allacapan, Sanchez-Mira, Santa Praxedes) kasama ang Babuyan Islands (Dalupiri Is. at Fuga Is.)
Sa ilalim ng Signal No. 1 naman ay ang mga lugar tulad ng:
- Ilocos Sur (natitirang bahagi)
- La Union (ilang bahagi: Luna, Santol, San Juan, Bagulin, Bangar, San Gabriel, Bacnotan, Sudipen, Balaoan, San Fernando City)
- Kalinga, Mountain Province, Ifugao, Benguet (ilang bahagi: Mankayan, Kapangan, Atok, Kabayan, Kibungan, Bakun, Buguias)
- Batanes
- Cagayan (natitirang bahagi)
- Isabela (ilang bahagi: Divilacan, Santo Tomas, Alicia, San Mateo, Aurora, Santa Maria, Quezon, Ramon, Naguilian, Roxas, Luna, Delfin Albano, Cauayan City, San Pablo, Ilagan City, Angadanan, Benito Soliven, Santiago City, Tumauini, Cabagan, Reina Mercedes, San Manuel, Cabatuan, Quirino, Gamu, San Isidro, Mallig, Cordon, Maconacon, Burgos)
- Nueva Vizcaya (ilang bahagi: Ambaguio, Bagabag, Villaverde, Diadi, Solano)
Inaasahang magdadala ng malalakas na ulan si Enteng sa Ilocos Region, na posibleng magdulot ng pagbaha at landslide, lalo na sa mga lugar na dati nang binayo ng malakas na pag-ulan.
Samantala, habang pinalalakas ni Enteng ang habagat, asahan ang patuloy na pag-ulan sa iba’t ibang bahagi ng Luzon sa mga susunod na araw.
Inaasahan din na tataas pa ang antas ni Enteng sa severe tropical storm ngayong Miyerkules at posible itong maging ganap na bagyo pagsapit ng Huwebes, Setyembre 5, bago magtungo sa direksyon ng Hainan, China sa Sabado, Setyembre 7.
READ: Signal No. 1 Itinaas sa Luzon at Visayas Dahil kay 'Enteng'