EN
— Sinalamin ni Florence Bisera ang tagumpay ni Arnold Villacencio sa men’s division ng ICTSI The Country Club Match Play Invitational, kung saan ang kanilang tagumpay ay higit pang pinatingkad ng personal na kwento ng inspirasyon.
Si Bisera, sa tulong ng kanyang ama’t caddie na si Reynaldo, ay nagpakitang-gilas upang talunin si Mikha Fortuna, ang defending champion, sa dikit na laban na nagtapos sa 2&1. “Malaking bagay ang presensya ni Papa. Siya ang nagpa-kalma sa emosyon ko,” ani Bisera, na nanalo ng P280,000 habang si Fortuna ay nag-uwi ng P200,000.
Samantala, si Villacencio, 55-anyos na beterano, ay halos sumuko dahil sa matinding pagod ngunit pinatatag ng suporta ng kanyang anak na si Gretchen. Sa laban kontra kay Albin Engino, nagtala siya ng 4&3 panalo para sa men’s title at P280,000 premyo.
“Gusto ko na sanang umatras nung semis kasi sobrang pagod na ako, pero sabi ng anak ko, ‘Papa, laban lang, tapusin mo yan.’ Kaya ito, panalo para sa kanya,” ani Villacencio, na sa wakas ay winakasan ang 10-taong pagkauhaw sa kampeonato.
Tagumpay na puno ng emosyon, suporta, at determinasyon — tunay na inspirasyon para sa mundo ng golf!