EN
— Si Justin Brownlee muling ipinakita ang kanyang mahika sa pagwawagi ng kampeonato kasama ang Pelita Jaya sa Indonesia Basketball League nitong weekend sa Indomilk Arena.
Ang anim na beses na kampeon at tatlong beses na Best Import sa Barangay Ginebra sa PBA, nadagdagan pa ang kanyang listahan ng mga titulo sa pag-akay sa Pelita Jaya sa 73-65 na panalo laban sa Satria Muda sa do-or-die Game 3.
Talo ang Pelita Jaya sa Game 1, 84-71, bago nakabangon at napwersa ang isang deciding game sa 82-70 panalo sa Game 2.
Bagamat siyam lang ang puntos ni Brownlee, ang kanyang presensya sa opensa't depensa ay sapat na para sa pagtubos ng Pelita Jaya matapos ang huling titulo noong 2017.
READ: Brownlee, Kampeon na Naman, Ngayon Kasama ang Indonesian Squad