EN
— Para maiwasan ang pagkalat ng mpox, inihayag ng Department of Health (DOH) kahapon na ang mga establisyemento na may kinalaman sa beauty at relaxation services ay dapat magpatupad ng mga hakbang para maprotektahan ang kanilang mga kliyente.
Sinabi ni Health Secretary Ted Herbosa na maglalabas ang DOH ng mga advisory na nakatuon para sa mga spa, beauty at wellness centers, pati na rin sa mga massage parlors.
“Maglalabas tayo ng ‘risk communication posters’ para sa industriyang ito,” sabi ni Herbosa.
Noong Lunes, iniulat ng DOH ang kauna-unahang kumpirmadong kaso ng mpox sa bansa matapos ideklara ng World Health Organization ang viral disease na ito bilang public health emergency sa pangalawang pagkakataon.