Eala Tinalo ang Dutch Opponent para Umasenso sa W100 Vitoria-Gasteiz

Sa kaganapan sa Vitoria-Gasteiz, Spain, Filipina tennis star Alex Eala muling pinatunayan ang husay matapos dominahin si Lian Tran mula Netherlands, 6-4, 6-2, noong Miyerkules ng gabi (Manila time).

Ang tagumpay ay dumating ilang araw lamang matapos siyang umakyat sa ranggong 155 sa buong mundo, ang pinakamataas sa kanyang career.

Lamang si Eala, Asian Games bronze medalist, sa lahat ng aspeto ng laban, nakuha niya ang 34 service points kumpara sa 16 ni Tran.

Ang 19-anyos na si Eala ay nakakuha din ng 31 receiving points kumpara sa 26 ni Tran.

Sa round of 16, makakaharap ni Eala ang local favorite na si Lucia Cortez Llorca, na madaliang tinalo si Pemra Ozgen ng Turkiye sa unang round ng torneo.

Magkakasubukan sila sa Huwebes ng gabi. Noong nakaraang taon, natapos ang journey ni Eala sa tournament sa semifinal round.

Bukod sa singles, pumasok din si Eala sa quarterfinals ng doubles kasama ang kanyang partner na si Estelle Cascino ng France.

Makakaharap nila ang duo na sina Victoria Bervid ng Czechia at Laura Mair ng Italy sa Biyernes (Manila time).

READ: Alex Eala Umangat sa Bagong Career-High WTA Rankings