EN
– Sa UAAP Season 87 match noong Sabado, Oktubre 12, nangibabaw si Mohamed Konateh, rookie foreign player ng FEU Tamaraws, matapos magtala ng 26 rebounds para itulak ang kanilang koponan sa 76-72 overtime panalo laban sa Adamson Falcons.
Grabe ang ginawang pagbantay sa boards ni Konateh, na ngayon ay may average na 16.14 rebounds kada laro. Kahit bago lang, nagmarka agad ang rebounding skills niya sa second round opener, kung saan kumalawit siya ng 17 defensive at 9 offensive rebounds — sobrang lapit sa rekord nina Ange Kouame ng Ateneo at Justine Baltazar ng La Salle. Umiskor din siya ng 13 puntos, kaya mas naging buo ang kanyang kontribusyon.
"Mo’s my favorite player right now," ayon kay coach Sean Chambers, dating PBA import at head coach ng FEU. "Naglaro siya ng 43 minutes, walang reklamo, walang tigil ang effort. Nakakatuwa makita ang progreso niya at tiyak mas gagaling pa siya," dagdag pa niya.
Masayang inamin ni Konateh na marami siyang natututunan kay coach Chambers. "Sinusunod ko lang lahat ng sinasabi ni coach. Sabi niya gawin ko ito, ginawa ko, kaya mas umaangat ako kada araw," ani Konateh.
Kasunod ng kanilang panalo, hawak na ngayon ng FEU ang 2-6 win-loss record. Ang susunod nilang kalaban ay ang NU Bulldogs sa Mall of Asia Arena sa Miyerkules, Oktubre 16.
READ: UST Tigers Handa na sa Mas Mabigat na UAAP 2nd Round