EN
— Isang napakalaking upset ang hatid ng Gilas Pilipinas.
Sa harap ng isang maingay na home crowd, naungusan ng Pilipinas ang World No. 6 Latvia, 89-80, sa simula ng kanilang pangarap na Paris Olympics sa FIBA Olympic Qualifying Tournament sa Riga, Latvia nitong Huwebes ng umaga (oras ng Maynila).
Si Justin Brownlee ang nanguna sa lahat ng scorers na may 26 puntos, siyam na rebounds, at siyam na assists. Nagpakitang-gilas din si Kai Sotto na may 18 puntos, walong rebounds, at isang assist sa 7-of-10 shooting.
Umabot sa 21 puntos ang lamang ng Pilipinas, 77-56, sa pagtatapos ng third quarter. Sinagot naman ito ng Latvia ng isang 13-2 run sa simula ng final frame, pinapaba ang lamang sa 10, 79-69.
Isang midrange jumper ni Brownlee ang pumigil sa run ng Latvia, ngunit sumagot si Roland Smits ng kanyang sariling tira. Muling sumalba si Brownlee, tumira ng 3-pointer plus foul para itaas ulit ang lamang sa 14, 85-71, may 3:29 na lang natitira.
Hindi sumuko sina Rodions Kurucs, Smits, at Rihards Lomazs, sunod-sunod na nag-score para lapitan ang laro, 77-85. Foul si Chris Newsome at naipasok niya ang parehong free throws ng may 1:21 na lang natitira.
Sa kabilang dulo, mintis si Lomazs sa kanyang layup, ngunit nag-turnover si Newsome at nakuha ng Latvia ang bola ulit may isang minuto at tatlong segundo na lang.
Mintis din si Strelnieks sa kanyang layup. Na-foul si Dwight Ramos sa susunod na possession at pumasok ang kanyang mga free throws para pigilan ang Latvia, 89-77, may 47 segundo na lang.
Sumagot si Davis Bertans ng isang 3-pointer may 38 segundo na lang para pababain ang lamang sa single digit, 80-89. Kumapit ang depensa ng Gilas para masigurado ang tagumpay.
Mainit ang simula ng Pilipinas, agad kumuha ng 8-0 lead. Kahit na nahanap ng Latvians ang kanilang ritmo, tuloy-tuloy lang ang opensa ng Gilas, pinalaki ang lamang sa 32-16 sa pagtatapos ng first quarter. Umabot pa ang lamang sa 26 puntos, 74-48, sa third frame.
Nag-contribute rin sina Ramos, June Mar Fajardo, at Chris Newsome ng double digits para sa Pilipinas na may 12, 11, at 10 puntos, ayon sa pagkakasunod.
Pinangunahan ni Kurucs ang Latvia na may 18 puntos at pitong rebounds.
Ayon sa FIBA, ito ang unang panalo ng Pilipinas laban sa isang European team sa loob ng 64 taon. Ang huli ay laban sa Spain noong 1960 Olympics sa Rome.
Pinalakas ng panalo na ito ang tsansa ng Pilipinas na makapasok sa susunod na round ng qualifiers. Susunod nilang haharapin ang World No. 23 Georgia sa Huwebes, 8:30 p.m. (oras ng Maynila). Isang panalo laban sa Georgia, o isang pagkatalo na hindi lalagpas ng 18 puntos, ang magbibigay ng ticket sa Gilas para sa semifinals.
READ: Gilas Boys, Nasupalpal ng Spain sa FIBA U17 World Cup