EN
— Sa isang dikitang laban, nasikwat ng Barangay Ginebra ang mahalagang 99-94 panalo kontra San Miguel Beermen, umangat sa 2-1 sa semifinals ng PBA Governors’ Cup. Matindi ang ipinamalas ni Justin Brownlee, bumuhos ng 30 puntos, 9 rebounds, 5 assists, at 5 blocks para tulungan ang Gin Kings sa crucial victory sa Dasmarinas Arena, Cavite.
Bagamat nakalamang ng hanggang siyam, 81-72, maagang na-challenge ang Ginebra matapos magpasabog ang Beermen ng 9-2 run at nailapit ang score sa 83-81. Pero sa clutch moments, dumepende ang Ginebra kay Brownlee, Japeth Aguilar, at Stephen Holt para muling umabante ng 93-85 sa huling tatlong minuto.
Si EJ Anosike naman, umiskor ng 32 points, 10 rebounds, at 3 assists para sa Beermen, pero kinapos nang tuluyang makuha ang panalo. Sinubukan niyang idikit ang score sa 90-93 sa natitirang 1:41, pero na-recover agad ng Ginebra sa tulong ng clutch jumper ni Holt.
Naging sagutan ang mga tira, ngunit tila mas in-control ang Ginebra sa crucial rebounds, lalo na kay Aguilar at Thompson. Sa huling 20 segundo, sinelyuhan ni Brownlee ang laban sa kanyang crucial layup, 97-90, habang si Mav Ahanmisi naman ay kumana ng dalawang free throws para tapusin ang laro.
Abangan ang Game 4 ng semifinals sa Miyerkules, alas-7:30 ng gabi sa Smart Araneta Coliseum.