EN
— Nagsanib pwersa sina LeBron James at Anthony Davis, naghakot ng combined 63 puntos—30 nito galing sa fourth quarter—upang talunin ang Sacramento Kings, 131-127, nitong Sabado (Linggo sa Manila). Sa kanilang pangatlong panalo sa NBA season, mukhang todo-laban ang Lakers!
Sa first half, nag-lead ang Lakers ng hanggang 15 points, ngunit pumasok ang Kings sa fourth quarter na may 7-point lead, 94-87. Pero dito lumabas ang bangis ni James, nang magpakawala siya ng 16 points sa 21-0 run ng Lakers.
Tumabla ng dalawang puntos ang Kings, pero bumanat si James, assist kay Davis sa tres at kay Rui Hachimura sa dunk para iselyo ang panalo ng Lakers.
Triple-double ang inabot ni James na may 32 puntos, 14 rebounds, at 10 assists, habang nag-ambag si Davis ng 31 puntos, 9 rebounds, 3 steals, at 2 blocks.
Para sa Kings, hindi nagpahuli si Domantas Sabonis, na naghatid din ng triple-double na may 29 puntos, 12 rebounds, at 10 assists. Si De'Aaron Fox naman ay may 28 puntos at 10 assists, habang nagdagdag si DeMar DeRozan ng 23 puntos.
Sa kabilang dako, nanalo rin ang Los Angeles Clippers laban sa Denver Nuggets, 109-104, sa tulong ni Norman Powell na umiskor ng 22 sa kanyang 37 points sa huling quarter. Ang Clippers ay bumawi kahit na wala si Kawhi Leonard dahil sa knee injury.
Sa ibang laro, tinambakan ng Boston Celtics ang Detroit, 124-118, sa likod ng 37 puntos ni Jayson Tatum. Sa Phoenix, namuno si Kevin Durant na may 31 puntos sa kanilang panalo kontra Dallas Mavericks. Panalo rin ang San Antonio Spurs, sa pangunguna ni Victor Wembanyama na may 29 puntos, laban sa Houston Rockets, 109-106.
READ: Steph Curry, Pinakamatinding Earner sa NBA, Tinalo si LeBron!