EN
—Sino ba naman ang pwedeng magyabang na naging ka-bonding nila ang dalawang NBA legends habang nasa peak ng career nila? Si Kyle Kuzma, isa siya sa kakaunting may ganitong karanasan. Siya ang isa sa piling NBA players na natikman ang mentorship ng dalawang titan ng basketball—sina Kobe Bryant at LeBron James—habang naglalaro para sa Los Angeles Lakers.*
"Super blessed ako talaga. Hindi lahat ng tao nakakalaro with LeBron and may relationship with Kobe," sabi ni Kuzma sa isang press conference sa Makati noong Lunes. "Sobrang saya ko na may ganyan akong mga mentors na pwede kong hingan ng advice sa kahit ano—basketball man, buhay, business, relationships—lahat na."
Drafted siya ng Lakers noong 2017, isang taon matapos mag-retiro si Bryant. Pero kahit retired na, aktibo pa rin si Kobe sa pagtuturo sa mga batang players tulad ni Kuzma. Nang dumating si LeBron James sa Hollywood noong 2018, tinulungan niya ang Lakers na makuha ang championship noong 2020, ilang buwan matapos pumanaw si Bryant.
Naging mahalagang bahagi si Kuzma ng kampanya ng Lakers para sa titulo, at ngayon, dala niya ang inspirasyon mula sa mga legends na ito sa pag-motivate sa kanyang sarili habang nasa Washington Wizards na siya. Sa kabila ng hirap na dinanas ng Wizards noong nakaraang season, kung saan sila nagtapos na may pangalawang pinakamasamang record, patuloy na nagpursige si Kuzma, na nag-average ng 22.2 points, 6.6 rebounds, at 4.2 assists bilang nangungunang scorer ng koponan.