EN
— Bumaba na ang lakas ni Bagyong Leon mula sa super typhoon patungo na lang sa typhoon status, ayon sa PAGASA nitong Huwebes, Oktubre 31. Sa pinakahuling update, nasa 175 kilometro bawat oras na lang ang sustained winds nito malapit sa gitna, at umaabot ng hanggang 215 kph ang bugso.
Huling namataan ang bagyo na nasa 155 km sa hilaga ng Itbayat, Batanes at patuloy itong kumikilos pa-northwest sa bilis na 25 kph papuntang Taiwan.
Mga lugar na may Tropical Cyclone Wind Signals (TCWS):
- TCWS No. 3: Batanes
- TCWS No. 2: Babuyan Islands
- TCWS No. 1: Mainland Cagayan, Isabela, Apayao, Abra, Kalinga, Mountain Province, Ifugao, hilagang bahagi ng Benguet (Mankayan, Bakun, Buguias), Ilocos Norte, Ilocos Sur
Inaasahang lalabas si Leon sa Philippine Area of Responsibility (PAR) sa pagitan ng Huwebes ng gabi o Biyernes ng umaga. Ayon sa PAGASA, inaasahang tatama ang bagyo sa silangang baybayin ng Taiwan mamayang hapon bago tumulak pa-northeast sa Taiwan Strait papuntang East China Sea.
Mayroong gale warning sa mga seaboards ng Northern Luzon at eastern seaboards ng Central Luzon, na may taas ng alon mula 3.5 hanggang 8 metro. Delikado ang paglalayag para sa lahat ng uri ng sasakyang pandagat sa mga lugar na ito.
Paalala ng PAGASA: Huwag maglayag ang maliliit na sasakyan sa dagat sa ganitong kondisyon, lalo na kung kulang sa kagamitan o wala pang karanasan.
READ: Signal No. 3 sa Batanes at Babuyan: Typhoon Leon Lumalakas Pa!