EN
— Mga kababayan, mas mahahabang gabi na ang mararanasan sa buong bansa matapos simulan kahapon ang autumnal equinox sa hilagang hemisphere at vernal equinox naman sa timog hemisphere, ayon sa Philippine Atmospheric, Geophysical and Astronomical Services Administration (PAGASA).
Sa ngayon, halos magkapantay ang oras ng araw at gabi—12 hours long—dahil sisikat ang araw sa bandang 5:45 a.m. at lulubog naman ito sa 5:53 p.m.
“Ang kaunting discrepancy sa oras ay dulot ng atmospheric refraction na nagbibigay-daan para makita natin ang araw bago pa ito tuluyang sumikat o lumubog,” paliwanag ng PAGASA.
Papunta na tayo sa Winter Solstice Ayon kay PAGASA weather forecaster Daniel James Villamil, unti-unti nang lalapit ang bansa sa winter solstice na magsisimula sa ikatlong linggo ng Disyembre. “Magsisimula ang northeast monsoon bandang Nobyembre at tatagal hanggang Pebrero, kaya asahan na ang mas malamig na klima,” dagdag pa niya.
Sa kasalukuyan, kaunti na lang ang mga rehiyong apektado ng southwest monsoon. “Hindi na naaabot ng habagat ang Metro Manila, maliban na lang sa Northern Luzon gaya ng Ilocos Region at Cagayan Valley,” ani Villamil.
La Niña Alert: 4-7 Bagyo Pa Bago Magtapos ang Taon Bagamat nagbabanta ang La Niña, inaasahan pa ring papasok sa Philippine Area of Responsibility (PAR) ang apat hanggang pitong bagyo bago matapos ang taon, ayon kay Ana Lisa Solis, hepe ng PAGASA Climate Monitoring and Prediction Section.
“May La Niña alert pa rin tayo, at simula noong Agosto, nakakaranas na tayo ng La Niña-like conditions,” sabi ni Solis. Inaasahang magpapatuloy ang malalakas na pag-ulan hanggang sa katapusan ng taon, lalo na’t pinapapalakas ng mga tropical cyclone ang southwest monsoon.
Kamakailan, apat na tropical cyclones—sina Ferdie, Gener, Helen, at Igme—ang pumasok sa loob ng PAR sa loob ng isang linggo. Hanggang ngayon, siyam na bagyo na ang naranasan mula Enero.
Update sa Bagyong Igme Ayon kay PAGASA weather specialist Grace Castañeda, nasa labas na ng PAR ang Tropical Depression Igme, ngunit magpapatuloy ang mga pag-ulan sa Ilocos Region, Batanes, at Babuyan Islands dahil pa rin sa southwest monsoon.
Ang Metro Manila at ibang bahagi ng bansa naman ay makararanas ng localized thunderstorms.
Sa kasamaang-palad, iniulat ng mga otoridad na may 25 na namatay, 13 ang nasugatan, at 8 ang nawawala dahil sa epekto ng mga bagyong Ferdie, Gener, Helen, at Igme, kasama ang enhanced southwest monsoon. Nasa 1,449,293 katao ang apektado ng kalamidad.