EN
— Isang low-pressure area (LPA) ang binabantayan ngayon ng PAGASA sa loob ng Philippine Area of Responsibility (PAR). Kapag ito'y naging ganap na bagyo, tatawagin itong 'Ferdie', ayon sa latest update ng PAGASA weather specialist na si Obet Badrina.
“Nasa 1,015 kilometers ito east ng Northern Luzon as of ngayon,” ani ni Badrina sa isang press briefing. Ayon pa sa kanya, maliit pa rin ang tsansa na tatama ito sa lupa, pero di pa rin natin pwedeng i-discount ang posibilidad na maging typhoon ito habang gumagalaw pa-kanluran.
Kung maging typhoon nga ito, si ‘Ferdie’ na ang ika-anim na bagyo sa bansa ngayong taon.
Samantala, may isa pang LPA na nasa labas pa ng PAR, mga 2,470 kilometers east ng Eastern Visayas. "Posible rin itong maging bagyo," dagdag pa ni Badrina, habang inaalam pa kung papasok ito ng PAR.
Sa mga darating na araw, partikular na Huwebes at Biyernes, uulan sa Visayas at Mindanao dahil sa pag-enhance ng southwest monsoon o habagat. Apektado rin ang malaking parte ng Luzon, kasama ang Ilocos Region, Cordillera Administrative Region, at Cagayan Valley. Asahan na ang mga pag-ulan at thunderstorm kahit sa Metro Manila.
“Prepare lang tayo for some rain showers,” sabi pa ni Badrina, "pero di pa rin talaga natin masabi 100% ano mangyayari."
Habang patuloy na gumagalaw ang mga weather systems na ito, patuloy din ang pag-update ng PAGASA para sa mas accurate na forecast.