EN
— Pinatunayan ng 17-anyos na Pinay amateur na si Rianne Malixi na kaya niyang makipagsabayan sa top professionals matapos niyang magpukol ng matikas na three-under 69 sa unang round ng Hana Financial Group Championship sa Incheon, Korea. Nasa apat na strokes lang ang agwat ni Malixi mula sa mga nangungunang Korean golfers.
Ang reigning US Women’s Amateur at US Girls’ Junior champion na si Malixi ay nagtala ng limang birdies laban sa dalawang bogeys, naglagay sa kanya sa maagang laban sa prestihiyosong Korea LPGA event. Kasama sa mga nangungunang kalahok ay sina Lydia Ko, world No. 3, na nagpakita rin ng galing ngunit bahagyang pumalo ng 70 para sa tied 22nd.
Si Malixi, kasalukuyang No. 3 amateur sa mundo, ay kasalukuyang nasa joint 14th matapos ang unang 18 holes sa Bear’s Best Golf Club. Samantala, nanguna sa leaderboard ang mga Koreana na sina Yoon Ina at Hong Hyunji na parehong nagtala ng 65, kasunod sina Ma Dasom at Lee Jeoyeong na may 67s.
Si Harmie Constantino naman, isang pang Pinay golfer, ay nagtapos ng 74 at nasa joint 75th. Nagkaroon siya ng apat na bogeys sa unang 11 holes ngunit bumawi sa huli ng mga birdies sa ika-14 at ika-16, tapos ng kanyang 38-36 scorecard.