EN
Sa isang gym sa Parañaque, nailatag na ni Filipino boxer Marlon "The Nightmare" Tapales ang panghuli niyang training camp para sa laban kontra kay Naoya "The Monster" Inoue ng Japan.
Kasama ang head coach na si Ernel Fontanilla, ipinakita ni Tapales ang kanyang gilas sa mitts at power shots sa harap ng mga miyembro ng print media, MP Promotions President Sean Gibbons, Sanman Promotions President, at manager na si JC Manangquil.
"Sina Marlon tsaka Coach Ernel ay naglalagay na lang ng finishing touches, gaya ng pagtimbang at paghanda sa mismong laban," pahayag ni Manangquil.
Tatlong linggo na ang nakararaan, sinabi ni Fontanilla na 85% handa na si Tapales para sa laban kay Inoue. Sa ngayon, sinabi ng coach: "Nasa 101% na siya, kaya't handa na talaga siya."
Sa loob ng tatlong buwan, nag-ensayo si Tapales ng 200 rounds ng sparring. Haharapin niya ang di pa natatalong si Inoue (25-0, 22KOs) sa Disyembre 26 sa Ariake Arena, kung saan ang magwawagi ay magdadala ng IBF, WBA, WBC, at WBO world super bantamweight belts.
Bagamat itinuturing na malaking underdog si Tapales laban sa "Monster," na kilala bilang isa sa pinakamahusay na boksidor sa buong mundo, hindi ito iniinda ni Tapales.
"Hindi naman po bago sa akin 'yung dumayo sa balwarte ng kalaban," sabi ni Tapales, na nagwagi ng WBO bantamweight title sa Thailand laban kay then-champion Pungluang Sor Singyu.
"Of course, normal naman 'yung kaba, tsaka maganda 'yung kaba kasi nagbibigay 'yan ng magandang energy," dagdag pa niya.
Si Gibbons ng MP Promotions ay naniniwala na kung magtagumpay si Tapales laban kay Inoue, makakamit nito ang respeto hindi lamang sa Pilipinas kundi sa buong mundo.
"Ito ang pinakamalaking upset ngayong taon, last year, the year before," sabi ni Gibbons. "Matagal na niyang ginagawa ito, at ngayon lang siya makakatanggap ng tamang pagkilala."
MMA: Si Folayang, Buong Suporta kay Tapales