EN
— Para kay Alexei Popyrin, mas malaking achievement ang kanyang unang Masters title sa Montreal kumpara sa pagkatalo niya kay Novak Djokovic sa US Open. Ayon kay Popyrin, hindi raw "unbelievable" ang pag-ungos niya kay Djokovic, bagkus ay mas ikinatuwa niya ang pagkapanalo sa Montreal bago ang tournament.
Kahit na naungusan niya ang 24-time Grand Slam winner at four-time US Open champion, sinabi ni Popyrin na ang Montreal title ang tunay na highlight. Ang 25-anyos na Australian ay sinorpresa si Djokovic sa iskor na 6-4, 6-4, 2-6, 6-4 para makapasok sa Round of 16 ng isang Grand Slam sa unang pagkakataon.
"Mas malaki ang Montreal para sa akin kasi ito'y isang titulo, at Masters 1000 pa. 'Yun ang talaga nakakagulat," pahayag ni Popyrin. "Ito ngayong laban, inaasahan kong kaya ko. Pero 'yung manalo ng Masters 1000, hindi ko talaga inisip."
Kahit pa natalo na siya ng tatlong beses ni Djokovic sa nakaraan, kasama na rito ang Australian Open at Wimbledon ngayong taon, sinabi ni Popyrin na ang mga karanasang iyon ang nagbigay sa kanya ng kumpiyansa para sa laban.
"Hindi man niya best tennis ang pinakita niya ngayon, laging nandiyan ang posibilidad na makabalik siya, lalo na sa third set. Kaya kailangan ko talagang mag-focus at tapusin ang laban," dagdag pa ni Popyrin.
Susunod na makakaharap ni Popyrin sa Round of 16 ay si Frances Tiafoe, crowd favorite ng Amerika, na isang semi-finalist noong 2022.