EN
Isang malaking tagumpay ito para sa Bolts na itinuturing na underdogs laban sa malakas at malalim na Beermen.
Pero bago nila naabot ang upset na ito, kinailangang harapin ng Meralco ang matitinding hamon sa buong conference. Sinimulan nila ang conference sa 1-3 record. Matapos manalo sa kanilang susunod na dalawang laro, natalo sila sa dalawang magkasunod na laban, kabilang ang laban sa mababang ranggong Converge FiberXers na nagtapos sa 12-game losing streak.
Pagkatapos nito, nanalo ang Bolts sa huling tatlong laro, kasama ang laban kontra San Miguel na nagpahinto sa 10-game win streak ng Beermen.
Sa semifinals, nanguna ang Meralco ng 2-1 laban sa Barangay Ginebra, bago natalo ng dalawang beses sunod-sunod at muntik nang ma-eliminate, 2-3.
Pero bumangon ang Bolts at pumasok sa finals matapos ang close wins kontra sa Gin Kings sa Games 6 at 7.
“Ang team na ito ay dumaan sa maraming pagsubok bago kami nakarating kung nasaan kami ngayon, at naniniwala ako na ang mga pagsubok na ito ang nagpapatatag sa amin,” ani Bolts guard Chris Newsome matapos ang laro.
“Noong natalo kami sa Converge, lahat akala tapos na kami. Akala ng lahat wala na kaming pag-asa pero ang mga tao sa locker room at ang organisasyon ang naniwala na kaya naming gawin ito,” dagdag niya.
Sa Game 1, bumangon din ang Meralco mula sa malaking kalamangan, nalagpasan ang 10-point deficit sa second quarter. Unti-unti nilang hinabol at naitabla ang laro sa third frame.
Sa huling bahagi ng fourth canto, sila ay humatak ng 10-point lead at tuluyang nakawala.
“Kaya makikita niyo ang mga plakard na nagsasabing ‘believe’ dahil ito ang tunay naming isinasabuhay. Kailangan mo talagang maniwala na kaya mong makamit ang isang espesyal na bagay bilang grupo kahit pa ano ang mga hadlang,” sabi ni Newsome, habang ang mga fans ay may dalang mga plakard na may nakasulat na “Believe.”
“Gusto lang naming i-represent ang lahat ng mga taong maraming beses nang napagdudahan sa kanilang mga buhay at karera. Patuloy lang tayong maniwala sa ginagawa natin at darating din ang magagandang bagay.”
Pinangunahan ni Newsome ang kanyang team na may 18 puntos, anim na rebounds, limang assists at dalawang assists upang pangunahan ang apat na players ng Meralco na nagkaroon ng double-digit scores sa laro.
Sisikapin nilang pigilan ang San Miguel na itabla ang serye sa 1-1 sa kanilang laban sa Biyernes, 7:30 p.m., sa Smart Araneta Coliseum.