Metro Manila Nasa State of Calamity Dahil sa Bagyong Carina at Habagat

— Pinasok ng baha ang Metro Manila at idineklara ito bilang state of calamity dahil sa matinding pag-ulan dala ng Typhoon Carina at southwest monsoon (habagat).

Nitong Miyerkules, nagkita-kita ang mga mayor ng National Capital Region sa isang pulong na ipinatawag ni Interior Secretary Benjamin Abalos III upang talakayin ang pangangailangang ideklara ang state of calamity.

Lahat ng mayor na dumalo ay pumayag na kailangan na talagang magdeklara ng regional state of calamity.

Sa isang briefing noong Miyerkules, hiniling ni Abalos kay Pangulong Ferdinand Marcos Jr. na ideklara ang Metro Manila sa ilalim ng state of calamity.

Ipinakita ni Abalos ang iba't ibang sitwasyon ng mga siyudad sa Metro Manila, kung saan walang tigil ang pagbuhos ng ulan.

Gayunpaman, sinabi ni Marcos na mas mainam na ipaubaya sa mga pinuno ng mga lokal na pamahalaan ang desisyon.

RELATED: Matinding Ulan ni Bagyong Carina, Pinalubog ang Metro Manila: Klase at Trabaho Kanselado