EN
— Parang nabiyak ang puso ni world number one Iga Swiatek nang matalo siya sa semifinals ng Olympic Games, na nagpatigil sa kanyang 25-match win streak sa Roland Garros.
Apat na beses na French Open champion si Swiatek, at inamin niya na umiyak siya ng anim na oras matapos ang pagkatalo kay Zheng Qinwen ng China noong Huwebes – ang una niyang pagkatalo sa Paris mula noong 2021.
Pero Biyernes, napanalunan niya ang kauna-unahang Olympic tennis medal ng Poland nang talunin niya si Anna Karolina Schmiedlova, 6-2, 6-1, para makuha ang bronze.
“Kahapon, isa sa mga pinakamabigat na pagkatalo sa karera ko,” ani Swiatek, na nagkaroon din ng masamang Olympic debut sa Tokyo tatlong taon na ang nakalipas kung saan siya’y lumabas sa ikalawang round.
“Napagtanto ko kahapon na hindi na lang para sa sarili ko ako naglalaro. Para ito sa bansa, sa team.”
“Sinigap ko na lampasan ito, pero hindi ko talaga alam kung gaano kalalim ang bigat nito at gaano kabigat ang dala ko.”
Dagdag pa niya, “Umiyak ako ng mga anim na oras kahapon. Parang nabiyak ang puso ko, alam mo 'yun.”
Sinabi ni Swiatek na susubukan niyang matuto sa pamamagitan ng panonood kung paano maglaro si men’s title favorite Carlos Alcaraz sa Olympics at gagawin itong template para sa pagsabak niya ulit sa Los Angeles sa 2028.
“Nakikita kong ine-enjoy niya bawat minuto. Kailangan ko rin yatang subukan ‘yan.”
Natalo ni Schmiedlova ang mga top-10 players na sina Jasmine Paolini at Wimbledon champion Barbora Krejcikova papunta sa bronze medal match, kahit na rank 67 lang siya.
“Ang maglaro laban kay Iga para sa third place, ‘yun ang pinakamahirap na option.”
READ: Iga Swiatek, Natalo sa Paris Olympics Semis kay Zheng Qinwen ng China