EN
– Exciting na bakbakan ang aabangan sa NBA Cup opener sa Nobyembre 12, kung saan bibisita ang Dallas Mavericks sa Golden State Warriors. Ito rin ang unang pagkakataon na maglalaro si Klay Thompson laban sa dating team niya, na pinagsilbihan niya nang mahabang panahon at nakapagwagi ng apat na NBA championships.
Kasama sa NBA Cup na ito ang isang grupo ng mga laro mula Nobyembre 12 hanggang Disyembre 3, kung saan bawat koponan ay may apat na laban. Pero hindi lang basta laban ito— bawat isa'y bilang sa NBA standings, kaya’t bawat laro ay crucial. Ang kumpletong NBA 2024-25 regular-season schedule ay ilalabas sa Huwebes.
Magiging malaking laro ang pagharap ng Western Conference champs na Dallas Mavericks, pangungunahan ni Luka Doncic, kontra Warriors sa San Francisco. Bukod kay Thompson, magkakaroon din ng laban sa pagitan ng New York Knicks at Philadelphia 76ers, na parehong inaasahang magiging contenders sa East.
Tatlong araw matapos ang opener, haharapin ng Los Angeles Lakers, ang reigning Cup champions, ang San Antonio Spurs ni Victor Wembanyama, last season’s Rookie of the Year.
Mapupuno ng intense na laban ang Nobyembre 22, kabilang na ang rematch ng Indiana Pacers at Milwaukee Bucks, na nagkaharap sa semi-finals noong nakaraang NBA Cup, at ng Dallas Mavericks kontra Denver Nuggets.
Sa pagsasara ng group stage sa Disyembre 3, muling magkikita ang Warriors at Nuggets sa Denver.
Lahat ng 30 teams ng NBA ay nahati sa lima, bawat isa’y maglalaro ng apat na laban sa kanilang grupo. Ang mga mananalo sa bawat grupo kasama ang isang wildcard team ay uusad sa knockout rounds, na magsisimula sa Disyembre 10. Ang semifinals at final ay gaganapin sa Las Vegas sa Disyembre 14 at 17.