EN
Sa pinakahuling kaganapan sa mundo ng mixed martial arts, opisyal nang nagpaalam si Stephen Loman mula sa kilalang kampo ng Team Lakay sa Benguet, Philippines. Ipinahayag ni Loman ang kanyang desisyon sa pamamagitan ng isang Facebook post noong Martes, at ibinahagi ang mga dahilan at plano niya para sa kanyang hinaharap sa larangan ng MMA.
Sa kanyang pahayag, nagpasalamat si Loman kay coach Mark Sangiao para sa lahat ng tulong na ibinigay nito upang mapaunlad ang kanyang kasanayan bilang isang manlalaban. Binanggit niya rin na sa tulong at gabay ni Coach Sangiao, nararapat ang kanyang kinalalagyan sa larangan ng mixed martial arts ngayon.
"Last January 9, 2024, nagkaruon kami ng matinding usapan ni Coach Mark, at sa aming pag-uusap, personal ko siyang pinasalamatan sa lahat ng tulong na ibinigay niya sa akin upang maging mas magaling na manlalaban. Dahil sa kanyang gabay, narito ako sa kinalalagyan ko ngayon. Higit sa lahat, ipinaabot ko sa kanya ang aking intensyon na umalis sa team at pagkatapos ng ilang diskusyon," saad ni Loman sa kanyang Facebook post.
Ayon pa kay Loman, hindi ito ang wakas ng kanyang karera sa MMA kundi isa lamang itong bagong yugto. Sa kasalukuyan, nangunguna si Loman bilang pangalawang pinakamahusay na bantamweight sa ONE Championship.
"Ang aking pag-alis sa Team Lakay ay hindi ang katapusan ng aking karera sa MMA kundi isa lamang bagong kabanata. [Magpapatuloy] ako na lumaban sa ilalim ng ONE Championship na mula pa noong unang araw ng aking pakikibaka sa naturang promotion ay lubos na sumusuporta sa akin."
Sa ngayon, mayroon nang 17 panalo, tatlong talo, at walang draw sa propesyunal na rekord si Loman. Sa ONE Championship, mayroon siyang kapanapanabik na 3-1 win-loss card.
Ang pag-alis ni Loman mula sa Team Lakay ay sumasunod sa trend ng ilang kilalang fighters, kabilang na ang mga dating ONE champions na sina Eduard Folayang, Joshua Pacio, Kevin Belingon, at Honorio Banario, na nagdesisyon ding lumisan mula sa kanilang matagalang kampo noong nakaraang taon.