EN
PAGCOR, Philippine Amusement and Gaming Corp., ay nilinaw na hindi sila ang may pananagutan sa pag-iisyu ng lokal na business permits at licenses. "Hindi rin namin responsibilidad ang pag-inspeksyon ng mga gusali na wala sa aming hurisdiksyon. Nag-iisyu kami ng lisensya base sa aming sariling mga patakaran at mga dokumentong isinumite ng mga aplikante," pahayag ng ahensya.
Binigyang-diin din ng PAGCOR na malinaw ang kanilang mga regulasyon. "Kung ang aming mga lisensyado ay lumabag sa mga tuntunin ng kanilang mga lisensya, maging ito man ay provisional o regular, sila ay pinapatawan ng multa at parusa, at sa pinakagrabeng kaso, binabawi ang kanilang lisensya," dagdag pa ng state gaming regulator.
Ang pahayag na ito ay inilabas matapos sisihin ni Atty. Nicole Rose Margaret Jamilla, abogado ni Bamban, Tarlac Mayor Alice Guo, ang PAGCOR sa mga kasong kriminal na isinampa ng Department of the Interior and Local Government (DILG) laban sa kanyang kliyente.
"PAGCOR lang sa ilalim ng kasalukuyang administrasyon ang naglabas ng tunay na anomalya sa dating mga aktibidad ng POGO," ani pa ng ahensya.
Ayon sa PAGCOR, sampung raid laban sa mga POGO ang matagumpay na naisagawa, na nagresulta sa pagkakalantad ng mga ilegal na gawain ng ilang lisensyado. — Daphne Galvez, Marc Jayson Cayabyab