EN
— Bagyong Aghon, ang unang tropical depression na tumama sa bansa ngayong taon, ay nagdulot ng kaunting pinsala sa rehiyon ng Calabarzon (Cavite, Laguna, Batangas, Rizal, at Quezon), ayon sa ulat ng regional disaster and risk reduction management office (PDRRMO).
Nagtaas ang Philippine Atmospheric, Geophysical and Astronomical Services Administration (PAGASA) ng signal No. 2 sa hilaga at gitnang bahagi ng Quezon. Samantala, signal No. 1 naman ang itinaas sa Cavite, Batangas, Laguna, Rizal, at iba pang bahagi ng Quezon.
Handa ang rehiyon sa posibleng paglikas ng mga residente sa pamamagitan ng pagtatayo ng 1,835 evacuation centers. Sa kabila ng paghahanda, limang evacuation centers lamang ang napuno, na nag-accommodate ng 81 pamilya o 194 katao.
Naranasan ang ilang power outages sa ilang bahagi ng Batangas, Cavite, Laguna, at Quezon. Agad namang nagpadala ng mga search and rescue teams pati na rin mga reactionary standby support forces upang rumesponde sa anumang emergency situations.
Dahil sa panganib na dulot ni Aghon, pinagbabawalan ang mga mangingisda na pumalaot. Kasabay nito, mayroong 2,423 na pasahero ang naiulat na stranded sa iba't ibang seaports sa bansa.
Sa kabila ng panganib na dala ng bagyo, nanatiling maagap at handa ang mga awtoridad sa pagsigurado ng kaligtasan ng bawat isa. Ang maagap na pagtugon at maayos na koordinasyon ng PDRRMO ay nakatulong upang mabawasan ang posibleng mas malaking pinsala at panganib na dala ni Aghon.
Ayon kay Reynaldo Ubaldo, isang residente ng Batangas, "Nagulat ako sa bilis ng pagtugon ng mga awtoridad. Agad kaming naabisuhan at napakabilis ng aksyon nila."
Sa bayan ng Lucena, Quezon, nagbahagi ng karanasan si Aling Maria Santos, "Kahit na may signal No. 2, ramdam namin ang kahandaan ng aming lokal na pamahalaan. Maayos ang evacuation centers at mabilis ang pagbibigay ng impormasyon."
Sa ganitong mga pagkakataon, mahalaga ang pagiging handa at ang maagap na pagtugon ng bawat isa. Patunay lamang ito na sa kabila ng mga sakuna, kaya ng bawat Pilipino na magtulungan at magkaisa para sa kaligtasan ng lahat.
Sa kabuuan, minimal ang naging epekto ni Aghon sa Calabarzon. Subalit, ang mga hakbang at paghahanda ng mga lokal na pamahalaan ay nagsilbing malaking tulong upang masiguro ang kaligtasan ng bawat isa. Patuloy ang kanilang pagbabantay at paghahanda para sa anumang paparating na kalamidad.
READ: Bagyong 'Aghon' Tatawid sa Ticao Island, Posibleng Maging Typhoon - PAGASA