EN
— Patuloy na nangunguna ang Pilipinas sa leaderboard ng Timog-Silangang Asya sa Paris 2024 Olympics matapos makasungkit ng dalawang ginto at isang bronze, pinanatili nito ang ika-22 puwesto noong Miyerkules.
Tumalon ang Pilipinas mula ika-31 hanggang ika-21 pwesto sa medal chart noong Lunes nang makuha ni gymnast Carlos Yulo ang dalawang sunod na gintong medalya sa men's floor exercise at vault competitions, bago bumaba ng isang puwesto noong Martes.
Samantala, umakyat ang Brazil sa ika-17 pwesto matapos makuha ni gymnast Rebecca Andrade ang gintong medalya, tinalo ang U.S. record holder na si Simone Biles sa women's floor exercise noong Martes. Unang nakakuha ng ginto para sa Team Brazil si Beatriz Souza sa Judo ngayong buwan. May kabuuang 13 medalya na ang Brazil.
Nakuha naman ni Filipino boxer Aira Villegas ang bronze medal sa women's 50-kg semifinals noong Miyerkules ng umaga.
Sigurado na rin ang Team Philippines ng isa pang bronze medal mula kay boxer Nesthy Petecio sa women's featherweight division. Makakalaban niya si Julia Szeremeta ng Poland sa semifinals ngayong Huwebes.
Leader of the bloc
Sa ika-22 puwesto, nangunguna ang Pilipinas sa ibang kasapi ng Timog-Silangang Asya sa leaderboard. Kasunod nito ang Thailand sa ika-55 puwesto na may isang pilak at isang ginto.
Medal count sa 2024 Paris Olympics hanggang Miyerkules, Agosto 7, 2024.
Dahil binibilang muna ang gintong medalya bago ang pilak at tanso, nauuna ang Pilipinas sa mga bansang gaya ng Spain (26th), Denmark (33rd) at Norway (42nd).
Bahagyang trailing ang Pilipinas sa Hong Kong na may dalawang ginto at dalawang tanso, at Belgium na may dalawang ginto at tatlong tanso.