EN
– Isang epic na comeback ang pinakita ni Hyun Ho Rho para masungkit ang unang semifinal spot sa ICTSI The Country Club Match Play Invitational. Natalo niya si Rico Depilo sa 19th hole matapos ang isang kapanapanabik na laban sa TCC course nitong Huwebes.
Tila imposible ang sitwasyon para sa 18-anyos na si Rho nang maging 3-down siya sa natitirang apat na butas. Pero nagpakitang-gilas siya, na-birdie ang par-4 No. 14, at sinamantala ang errors ni Depilo sa No. 16 at 17 para itabla ang laban.
Sa extra hole, isang crucial error ang naging downfall ni Depilo—nahulog sa tubig ang kanyang tira sa tricky par-4 No. 1—kaya't nakuha ni Rho ang tagumpay.
“Medyo hirap ako nung una, pero nabuhayan ako nang maipanalo ko ang No. 14, tapos nasundan pa ng No. 16 at 17,” ani Rho, na umaasang masungkit ang kauna-unahang titulo matapos maging runner-up sa Philippine Masters.
Sa semis, makakaharap ni Rho ang 29th-seeded na si Arnold Villacencio, na patuloy sa pag-gulat sa torneo. Naungusan niya si No. 21 Dino Villanueva, 3&1, gamit ang consistent pars at early dominance.
Samantala, maghaharap naman sa kabilang semis sina Jay Bayron at Albin Engino. Si Bayron, isang beterano, ginulat ang No. 10 seed na si Michael Bibat, 2&1, habang si Engino ay winalis si No. 14 Kakeru Ozeki, 2-up.
"Pag matanda, minsan swerte na lang," birong sabi ni Bayron, pero nanatiling seryoso sa layuning muling manalo sa kanyang decorated career.
Tuloy-tuloy ang labanan hindi lang ng skills, kundi pati stamina, sa semifinals na lalaruin din ngayong hapon. Sino kaya ang papasok sa finals? Tutok na!
READ: High-Stakes Battles Await at ICTSI TCC Match Play