EN
— Isa na namang matinding laban ang aabangan sa pagitan ng kambal na sina Lisa at Mona Sarines, as they renew their sibling rivalry sa JPGT Series 6 sa Mount Malarayat Golf and Country Club, simula Lunes, Setyembre 2. This time, stakes are even higher as parehong nananatiling naglalaban para sa dominance sa girls’ 13-15 category.
Labanan ito na inaasahang magiging mas intense pa matapos umatras si Precious Zaragosa dahil sa injury. Fresh pa si Zaragosa mula sa kanyang dominanteng panalo sa Luisita leg, pero ang kanyang biglaang pagkawala ay nag-focus sa Sarines twins bilang pangunahing contenders para sa top spot.
Kahit secured na ang spot ng kambal para sa Match Play Championship, walang balak na magrelax ang magkapatid. With the national finals na gaganapin sa Oktubre 1-4 sa The Country Club sa Laguna, both are aiming to maintain peak performance para mapanatili ang kanilang competitive edge.
Sa ngayon, si Lisa Sarines ang nangunguna with 50 points, closely followed ni Mona na may 48 points. Zaragosa, bagama’t wala sa competition, ay may 46 points pa rin at nananatiling contender.
Dahil sa patuloy na pagkawala ni Levonne Talion na may 43 points, ang labanan para sa huling top-four spot ay mas naging mainit. Sina Montserrat Lapuz, may 36 points, at Kendra Garingalao na may 21 points ay kapwa umaasa pa rin na makapasok sa finals.
Ang nationwide circuit na ito ay magtatapos sa Setyembre 10-13 para sa final Luzon series leg sa Sherwood Hills Golf Club sa Cavite. Dito, pipiliin ang top four performers na sasama sa top two players mula sa Visayas at Mindanao series.
Bukod pa rito, ang highest-ranked player sa bawat category, provided na sumali sila sa at least three series, ay makakasama rin sa finals ng nationwide circuit na ito, na dinisenyo ng ICTSI para hasain ang galing at kakayahan ng mga batang golfers.
Bagama't nasa spotlight ang girls’ 13-15 division, asahan din ang matinding kompetisyon sa bawat category. Sa 10-12 division ng boys, sina Ryuji Suzuki, Jacob Casuga, at Iñigo Gallardo ay maglalaban para sa precious points at top-four finish. Sa girls’ class naman, magbabanggaan sina Georgina Handog, Maurysse Abalos, Aerin Chan, Casedy Cuenca, Quincy Pilac, at Althea Bañez para sa karangalan.
Sa premier 16-18 division, asahan ang isa pang mainit na laban na magtatagal ng 72 holes. Ang 13-15 group ay maglalaro ng 54 holes, habang ang mas batang 8-9 at 10-12 divisions ay magko-compete ng 36 holes. Sa girls’ premier division, sina Rafa Anciano, Chloe Rada, at Angelica Bañez ay maghahanap ng paraan para mapigilan si Lia Duque, ang runaway winner ng Luisita leg. Samantala, ang top contenders sa multi-series division ay kinabibilangan nina Javie Bautista (boys’ 10-12), Alexie Gabi (girls’ 13-15), Armand Copok (boys’ 13-15), Necky Tortosa (girls’ 16-18), at Patrick Tambalque (boys’ 16-18).