EN
— Humahataw si Jiyai Shin ng South Korea sa Women's British Open matapos magpakitang-gilas sa third round noong Sabado, bitbit ang five-under-par at umabot na sa seven-under para sa kabuuan ng torneo. Si Shin, na dating champion noong 2008 at 2012, ay may isang shot na kalamangan laban sa defending champion na si Lilia Vu papasok sa final round ngayong Linggo, habang si world number one Nelly Korda ay dalawang shots naman ang bitbit matapos makipagbuno sa hangin at ulan sa St Andrews.*
"Third time ko na dito sa St Andrews. Kaya medyo kabisado ko na kahit pa mahirap ang kondisyon ng links courses," sabi ni Shin, na ginagamit ang kanyang karanasan para manatili sa posisyon para makuha ang kanyang ikatlong major title.
Si Korda, na overnight leader, ay naging promising hanggang sa 11th hole ngunit nagkaproblema sa back nine, bumagsak ng limang shots sa anim na butas bago nakabawi sa huling birdie.
"Medyo mahirap ang back nine ko, pero kailangan ko lang magpatuloy," ani Korda.
Samantala, si Vu ay nag-bounce back mula sa double bogey sa 13th hole, nakuha ang tatlong birdies sa huling limang holes para makapasok sa second place.
"Medyo kinabahan ako sa gitna, pero nandoon ang caddie ko para bigyan ako ng encouragement," sabi ni Vu.
Kasama rin sa laban si Olympic gold medallist Lydia Ko at Jenny Shin ng South Korea na parehong may four-under.
READ: Yuka Saso, Habol Mode; Korda Umangat sa AIG Women’s Open