EN
— Nagpakitang-gilas ulit ang reigning PBA champs na TNT Tropang Giga! Sa laban nila kontra Rain or Shine sa PBA Governors’ Cup semis, lumamang na sila ng 2-0 series lead matapos ang dominanteng 108-91 panalo kagabi sa Smart Araneta Coliseum.
Sina Rondae Hollis-Jefferson, Calvin Oftana, at Rey Nambatac ang naging susi sa kanilang pag-arangkada, lalo na sa third quarter kung saan sila sumabog ng 38-21 run. Nagsimula sa 8-0 run, tuloy-tuloy ang init ng TNT hanggang matapos.
Si Hollis-Jefferson, na reigning Best Import, kumamada ng 23 points, 8 rebounds, at 2 assists. Samahan pa ng tambalang Oftana (18 points, 14 rebounds) at Nambatac (17 points, 6 rebounds), at walang nagawa ang Elasto Painters para makabawi.
Sa isang presscon kahapon, inanunsyo ng PBA na sinuspinde si John Amores hanggang matapos ang darating na Commissioner’s Cup dahil sa pagkakasangkot niya sa isang shooting incident sa Laguna. May pending kaso pa si Amores, pero kahit ma-dismiss ito, mananatili ang suspensyon maliban na lang kung magpapakonsulta siya at makakuha ng clearance mula sa mga accredited counselors.
Sa ibang balita, San Miguel Beermen umatras sa bangin ng pagkatalo matapos silang muntikan matalo sa Ginebra. Nanalo ang SMB, 131-125, sa overtime para itabla ang kanilang series, 1-1. Si Terrence Romeo ang bida ng laro sa OT, umiskor ng 22 sa kanyang 26 points para iligtas ang Beermen, habang sina EJ Anosike, CJ Perez, at June Mar Fajardo tumulong din sa effort.
READ: Tropa at Gin Kings, Handa na ba sa Game 2?