EN
— PBA Governors' Cup semifinals na, at ang apat na natitirang teams ay handa nang magbigay ng todo-todong aksyon. Sa isang panig, TNT, ang defending champion, makakalaban ang Rain or Shine sa isang matinding labanan ng mga topnotchers mula sa elims. Sa kabila naman, magtutuos ang magkaribal na Barangay Ginebra at San Miguel Beer—mga sister teams pero walang kapaguran sa paghahabol ng karangalan.
First time magkakatapat ang TNT at ROS ngayong conference, kasi galing sila sa magkaibang grupo. Pero ang Ginebra at San Miguel, nakapagbanggaan na ng dalawang beses. Ginebra ang panalo sa una, 108-102, pero bumawi ang Beermen ng matindi, 131-82, sa Round 2. Tinalo ng SMB ang Ginebra ng 49 points—pinakamalaking margin sa kasaysayan ng team. Pero, ayon kay coach Jorge Gallent ng SMB, “Tapos na 'yan. Back to zero na tayo ngayon, puro adjustments na lang.”
San Miguel halos muntik pang malusutan ng Converge sa Game 5, pero nakaahon sa score na 109-105. Kailangan ng Beermen ng solidong A-game para makipagsabayan sa Ginebra ni coach Tim Cone na sweep ang Meralco, 3-0, sa quarters.
Katulad ng SMB, dinaanan din ng Rain or Shine ang limang matinding laro para maabot ang semis. Ang kalaban nila? Walang iba kundi ang defending champion na TNT, na mas maaga nakapasok sa semis matapos talunin ang NLEX, 3-1. Sabi nga ni ROS coach Yeng Guiao, “Tough team sila at champions pa. Pero laban lang!”
READ: Beermen Pasok sa Semis, Kabog ang FiberXers!