EN
—Dahil sa bagyong Kristine, kinansela ng UAAP ang mga larong naka-schedule ngayong Miyerkules, October 23. Ulan nang ulan, kaya suspended din ang classes sa Metro Manila, dahilan para ipagpaliban ang mga dapat na laban.
Dapat sana magharap ang Adamson Soaring Falcons at Ateneo Blue Eagles, at magtutuos din ang UP Fighting Maroons at UE Red Warriors sa men’s basketball. Crucial ang laro ng Ateneo at Adamson—parehong may tsansang humabol sa 4th spot kasama ang UST Growling Tigers, na may 4-6 standing. Samantalang ang UE, gusto nang makabalik sa winning column laban sa malakas na UP Fighting Maroons.
Para sa boys’ basketball, dapat sana magkakasagupa ang FEU-Diliman at Ateneo, pati La Salle-Zobel at Adamson. Pati high school boys’ volleyball games, na-cancel din.
Walang kasiguraduhan pa kung kailan iseset ang mga bagong schedule, sabi ng UAAP. Abangan na lang ang kanilang update.
READ: Pitong Rehiyon, Nasa Pinakamataas na Emergency Protocol Dahil kay Bagyong Kristine