EN
— Matapos ang solid na simula sa UAAP Season 87 men’s basketball tournament, aminado si University of Santo Tomas (UST) Growling Tigers team captain Nic Cabanero na malayo pa ang kanilang tatahakin bago maituturing na contenders ang kanilang koponan.
Kasalukuyang nasa ika-apat na pwesto ang Tigers sa standings na may 4-3 win-loss record. Sa kabila ng dobleng bilang ng panalo kumpara sa kabuuan ng nakaraang season, alam ng Tigers na mas matindi ang mga laban na kakaharapin sa ikalawang round ng eliminations.
“Kailangan naming maglaro as one team, pati off the court dapat buo kami,” ani Cabanero matapos nilang tambakan ang FEU Tamaraws, 83-72, sa pagtatapos ng unang round. "Alam ko na dito malalaman kung sino talaga ‘yung contenders kasi mas intense ang second round.”
Kasabay ng mas mabibigat na laban, ramdam ni Cabanero ang pressure ng mga adjustments na mangyayari sa bawat koponan. “Dito namin makikita kung paano kami mag-a-adapt at kung gaano kalayo pa sa goal namin. Every day, we strive to be better,” dagdag pa niya.
Para kay guard Forthsky Padrigao, inaasahan na ng Tigers ang mas mahihirap na panalo. “Nagkakilala na lahat ng teams, nakita na yung strengths and weaknesses, pero come second round, mas marami pang pagbabago,” ani Padrigao, na pumapangatlo sa league sa puntos per game.
Big man Mo Tounkara echoed the same sentiment, “It won’t be easy, pero sa tamang paghahanda, we’ll put ourselves in a winning position. Alam namin na mas demanding ang second round.”
Sa pitong laro, malakas ang opensa ng UST—nasa pangatlo sa puntos per game na may 69.57 average. Ngunit, tila kulang ang depensa nila, dahil sila ang may pinakamaraming puntos na ipinapasok ng kalaban, na umaabot sa 70.43 puntos kada laro.
Kailangan nilang pagtuunan ng pansin ang depensa kung nais nilang magtagumpay sa mga susunod na laban. Sila’y nasa pangatlo sa field goal percentage ngunit nasa ika-pito lamang pagdating sa ipinapasok ng mga kalaban.
Sa kabila nito, tatlong Tigers ang kasama sa MVP race. Padrigao (6th), Tounkara (7th), at Cabanero (9th) ang patuloy na nagpapakita ng kanilang lakas sa bawat laro.
Abangan ang mas matinding bakbakan ng UST Tigers kontra UP Fighting Maroons sa darating na Linggo, 6 p.m., sa Smart Araneta Coliseum.
READ: Archers wagi, UP bagsak sa unang talo sa Season 87