EN
— Nagpasiklab ang isang hotel sa Bonifacio Global City, Taguig sa pag-launch ng kanilang bagong menu na tiyak na magpapakilig sa mga foodies. Sa F1 Hotel Manila, ang kanilang The Canary ay handang itaas ang antas ng kanilang dining experience sa pamamagitan ng mga bagong putahe na perfect for sharing.
Isa sa mga standout dishes ang Crispy Mac and Cheese Balls. Hindi lang basta Mac and Cheese, kundi deep-fried na, kaya’t crunchy ang labas pero cheesy at creamy sa loob. Pina-partneran pa ito ng rich cheese dip para sa ultimate cheesy goodness.
Para sa mga naghahanap ng quick bites, mayroon silang Pizzettas, mga mini pizzas na may iba't ibang toppings tulad ng Margherita, Hawaiian, Mushroom, at Pepperoni. Perfect din for sharing ang kanilang Charcuterie Board na puno ng assorted cold cuts, cheeses, nuts, at dried fruits.
Ang Fried Chicken Wings naman ay dumating sa Diavolo, Salted Egg, at Plain varieties—crispy at flavorful ang bawat kagat. Kung sweet and savory ang trip mo, tikman ang Bacon and Waffles—maple wood smoked bacon na tinambalan ng classic golden waffles, o kaya naman ang Waffle ala Mode na may vanilla ice cream at chocolate syrup.
Isa pang highlight ang Crispy Pork Belly Sisig na sizzling hot at puno ng rich flavors—isang twist sa paboritong Filipino dish. Ang mga bagong dagdag sa menu ng The Canary ay siguradong magpapasaya sa lahat, mula sa mga naghahanap ng light snack habang nasa pool hanggang sa mga gustong mag-share ng hearty meal kasama ang barkada o pamilya. Fresh ingredients, bold flavors, at creative presentations ang hatid ng bawat dish para sa ultimate culinary adventure.