DOH: Mahigit 117K na ILI Cases sa Pinas

— Mahigit 117,000 kaso ng flu-like illness o ILI ang naitala ng Department of Health (DOH) mula Enero 1 hanggang Setyembre 14 ngayong taon. Bagaman mas mababa ng 15% kumpara sa 137,980 kaso noong 2023, nananatiling naka-alerto ang ahensya.

Sinabi ng DOH na mayroon nang 126 na naiulat na pagkamatay dahil sa ILI, bumaba rin ito ng 11% mula sa 142 fatalities noong nakaraang taon. Ayon kay Health Secretary Ted Herbosa, kahit bumababa ang mga kaso, hindi pa rin dapat magpakakampante.

"Pinaigting ang pag-procure ng flu vaccines kahit may downtrend. Ang key pa rin ay prevention—regular na paghuhugas ng kamay, mask sa siksikang lugar, at ang timely bakuna," ani Herbosa.

Pinapaalalahanan din ang publiko na magpakonsulta agad kapag may sintomas ng flu para maiwasan ang komplikasyon. "Proactive tayo dapat—prevention, early detection, at vaccination ang best defense natin," dagdag ng kalihim.