EN
MANILA, Philippines — Ang loan, na kilala bilang perang hiniram na may kasamang interes na dapat bayaran pagkatapos ng tinakdang panahon, ay maaaring maging makapangyarihang kasangkapan sa pagpapalago ng yaman o pagtupad ng mga pangarap. Subalit, ang tamang paggamit ng loan ang susi upang hindi ito maging pasanin.
Sa Pilipinas, maraming mapagkukunan ng loan, mula sa mga lehitimong bangko hanggang sa mga hindi gaanong maasahang pinagmumulan. Kaya mahalagang suriin kung ano ang good loan at alin ang maituturing na bad.
Mag-ingat sa 'Bad' Loan
Ayon sa Bangko Sentral ng Pilipinas (BSP), mahigit 34 milyong Pilipino pa rin ang hindi nakabanko noong 2022. Dahil dito, marami ang lumalapit sa mga informal na loan na may mas flexible na terms at halos walang papel-papel. Ang paghiram mula sa mga loan shark ay karaniwan, subalit ang mga ito ay may mataas na interes, umaabot hanggang 20%. Ang pinagmulan ng pondo ay isa pang malaking tanong, dahil walang paraan para masuri ang legalidad nito.
Ang paghiram mula sa mga kaibigan at kamag-anak ay isa pang karaniwang praktis, na nangangailangan ng malaking tiwala sa pagitan ng dalawang partido. Bagamat madalas na mas magaan ang payment terms, ang hindi pagsunod sa kasunduan ay maaaring magdulot ng lamat sa relasyon.
Bukod sa mga hindi ideal na pinagkukunan, isa pang uri ng bad loan ay ang paghiram ng pera upang bayaran ang isa pang loan. Ito ay nagdudulot ng cycle ng pagkakautang na lalo pang nagpapalaki ng interes at nagpapahirap sa pag-ahon.
Piliin ang 'Good' Uri ng Loan
Kung maaari, mas mainam na manghiram mula sa mga financial institutions na may mga benepisyong magagamit mo sa iyong kalamangan. Ang pag-apply ng malaking halaga na may mas mahabang repayment periods ay nakakatulong para sa mas malalaking gastusin. Magandang halimbawa nito ay ang business loan na maaaring gamitin bilang kapital sa pagsisimula o pagpapalago ng negosyo.
Ang pagkuha ng home loan ay isa pang magandang uri ng loan na nagbibigay ng long-term payment schedules na akma sa budget ng pamilya. Bukod sa pagtulong sa pag-abot ng iyong mga pangarap, ang mga ganitong loan ay nakakatulong din sa pag-build ng credit score kapag ito ay nabayaran ng maayos. Ang magandang credit score ay magagamit sa pagkuha ng mas magagandang loan deals sa hinaharap.
Mas Accessible na Loan
Kapag handa ka na sa iyong unang formal loan, ang susunod na hakbang ay ang pag-apply. Maraming nadidismaya sa dami ng requirements, ngunit may mga bangko tulad ng CIMB Bank PH na may mga produktong madaling apply-an. Sa isang valid ID at isang pay slip lamang, maaari ka nang mag-apply ng Personal Loan na hanggang P1 milyon sa loob lamang ng 10 minuto gamit ang CIMB Bank PH app.
Ang digital-only commercial bank na ito ay nag-aalok din ng REVI Credit, isang all-in-one revolving credit line na nagbibigay ng madaling access sa credit line na hanggang P250,000. Nakipag-partner din ang CIMB sa GCash para sa GCredit, na nag-aalok ng credit line na hanggang P50,000 na may mababang monthly interest rates na 1%.
Ang tamang kaalaman at diskarte sa pagkuha ng loan ay mahalaga upang magamit ito sa iyong kapakinabangan. Piliin ang good loan at iwasan ang mga bad loan upang hindi maging hadlang sa iyong mga pangarap.