Tagalog
– Tropical Depression Julian ay patuloy na lumalakas at inaasahang magiging typhoon ngayong weekend, ayon sa forecast ng PAGASA. Pero, good news – hindi ito magla-landfall sa bansa.
As of 3 p.m. kahapon, si Julian ay 455 kilometers east ng Itbayat, Batanes. May dala itong maximum sustained winds na 55 kph at gustiness na umaabot ng 70 kph. Sa bilis ng paglakas nito, pwede na itong maging tropical storm ngayong gabi o bukas ng umaga at maging typhoon category by Sunday.
Signal No. 2 o 3 ay posibleng i-raise habang dumadaan si Julian sa loob ng Philippine Area of Responsibility (PAR). Ang galaw nito? Pwedeng mag-looping path sa karagatan malapit sa Batanes at Cagayan within the next five days. Pero by Monday, inaasahang lalabas ito at gagalaw pa-north.
Mararamdaman na ang mga pag-ulan sa mga lugar tulad ng Ilocos Norte, Ilocos Sur, Abra, Apayao, Kalinga, Mountain Province, Batanes, Cagayan, at Isabela dahil sa bagyong ito. Meanwhile, ang Metro Manila at ibang bahagi ng bansa ay makakaranas ng isolated rains dahil naman sa localized thunderstorms.
Bukod kay Julian, binabantayan din ng PAGASA ang isa pang tropical storm sa labas ng PAR – ang Tropical Storm Jebi, na kasalukuyang nasa 2,420 km east ng Central Luzon. Mas malakas ito nang kaunti with sustained winds of 65 kph at gustiness ng 80 kph.
Mga pinsala ng Habagat at mga Bagyo
Sa kabilang banda, nagdulot na ng P1.09 billion na pinsala ang habagat at bagyong Ferdie, Gener, at Helen sa sektor ng agrikultura, ayon sa Department of Agriculture (DA). Mahigit 24,247 hectares ng agricultural lands sa Mimaropa, Western Visayas, at Zamboanga Peninsula ang lubhang naapektuhan.
Ang 90% ng damage ay sa palay, na tinatayang nasa P1.04 billion, habang may reports din ng damage sa mais, high-value crops, livestock, at irrigation facilities. Ang mga magsasaka ay maaaring mag-apply para sa Survival and Recovery Loan Program ng DA, na nag-aalok ng loan na P25,000 payable in three years, with zero interest.
