Tagalog
—Tagumpay ang unang edisyon ng LaLiga Youth Football Tournament sa Pilipinas, na ginanap mula October 18-20 sa New Clark City Stadium, kung saan 80 teams at 1,380 batang footballers ang naglaban sa harap ng higit 7,000 fans. Grabe ang energy ng crowd, at kitang-kita ang dedikasyon ng mga young athletes mula sa iba’t ibang parte ng bansa at Asia!
Ilan sa mga nagwagi ang Crocs FC Davao na winalis ang U8, U10, at U12 divisions. Samantala, Total FC ang nag-champion sa U14 category, habang sa U16 naman ay kinoronahan ang De La Salle Santiago Zobel White Team. Ibang level ang performance ng mga batang ito, at parang sinasabi na nila sa atin na malayo ang mararating ng Philippine football!
Ang event na ito ay inorganisa ng LaLiga kasama ang RSA 1 Group at Epic Management. Layunin nilang gawing benchmark tournament sa grassroots football ang LaLiga Youth Tournament sa rehiyon. Plano rin nilang palakihin pa ito at gawing regional tournament sa Southeast Asia para mas marami pang kabataan ang mabigyan ng pagkakataon na ipakita ang kanilang galing.
Sabi ni Ed Pasion, presidente ng Epic Management Inc., "Sobrang saya namin sa naging resulta ng event. Hindi lang ito serye ng mga laro, kundi celebration ng football at talento ng mga kabataang manlalaro. Grabe ang passion at energy, at malinaw na maliwanag ang future ng football sa region."
Idinagdag din ni Iván Codina, direktor ng LaLiga Singapore Office, na committed sila sa pagpapalago ng grassroots football globally at sobrang proud sila sa success ng event sa Pilipinas. Gusto nilang maging reference point ang LaLiga Youth Tournament para sa mga future football tournaments sa Southeast Asia.
Ang tagumpay ng LaLiga Youth Football ay nagpapakita na may malalim na suporta at inspirasyon na dala ang Spanish football, lalo na matapos ang summer ng Spanish football, kung saan nanalo ang Spain sa Euro 2024 at Olympic gold medal. Halos lahat ng players nila galing sa LaLiga youth academies, na siyang plano ring i-export para mapalago ang football worldwide.
